80ರ ದಶಕದ ಜನಪ್ರಿಯ ಧಾರಾವಾಹಿ ‘ರಾಮಾಯಣ’ ಇಂದಿನಿಂದ ಮರುಪ್ರಸಾರ

ನವದೆಹಲಿ: ದೂರದರ್ಶನದಲ್ಲಿ 80ರ ದಶಕದಲ್ಲಿ ಪ್ರಸಾರವಾಗುತ್ತಿದ್ದ, ಜನಪ್ರಿಯ ಧಾರಾವಾಹಿ ‘ರಾಮಾಯಣ’ ಇಂದಿನಿಂದ(ಮಾ. 28ರಿಂದ) ಮರುಪ್ರಸಾರವಾಗಲಿದೆ.

ಕೊರೊನಾ ಭೀತಿಯಿಂದ ದೇಶಾದ್ಯಂತ ಲಾಕ್​ ಡೌನ್​ನಿಂದಾಗಿ ಜನರು ಮನೆಯಲ್ಲಿಯೇ ಕುಳಿತು ಏನು ಮಾಡುವುದೆಂಬ ಚಿಂತೆಯಲ್ಲಿದ್ದಾರೆ. ಈಗ ಜನರ ಮನರಂಜನೆಗಾಗಿ ದೂರದರ್ಶನದಲ್ಲಿ ಜನಪ್ರಿಯ ‘ರಾಮಾಯಣ’ ಧಾರವಾಹಿಯನ್ನು ಮತ್ತೆ ಪ್ರಾರಂಭಿಸಲು ನಿನ್ನೆಯಷ್ಟೇ ಕೇಂದ್ರ ಸರ್ಕಾರ ನಿರ್ಧರಿಸಿತ್ತು. ಹಾಗಾಗಿ, ಇಂದಿನಿಂದಲೇ ಜನರು ಮನೆಯಲ್ಲಿ ಕುಳಿತು ರಾಮಾಯಣವನ್ನು ವೀಕ್ಷಿಸಬಹುದು.

ದಿನಕ್ಕೆ 2 ಬಾರಿಯಂತೆ ‘ರಾಮಾಯಣ’ ಧಾರಾವಾಹಿ ಪ್ರಸಾರವಾಗಲಿದೆ. ಮುಂಜಾನೆ 9.00ಗಂಟೆಗೆ ಹಾಗೂ ರಾತ್ರಿ 9.00 ಗಂಟೆಗೆ ಪ್ರಸಾರವಾಗಲಿದೆ.

ರಮಾನಂದ ಸಾಗರ್ ನಿರ್ದೇಶಿಸಿದ ‘ರಾಮಾಯಣ’ ಧಾರಾವಾಹಿ ಪ್ರಸಾರ 1987ರಲ್ಲಿ ಆರಂಭವಾಗಿತ್ತಲ್ಲದೇ, ದೇಶದಾದ್ಯಂತ ಮನೆಮಾತಾಗಿತ್ತು.