ದೇಶದ ಅತ್ಯುತ್ತಮ ವಿಶ್ವವಿದ್ಯಾಲಯಗಳ ಪಟ್ಟಿಯಲ್ಲಿ ಮೈಸೂರು ವಿವಿಗೆ ಎಷ್ಟನೇ ಸ್ಥಾನ ಗೊತ್ತಾ..?

ಮೈಸೂರು: ದೇಶದ ಅತ್ಯುತ್ತಮ ( NIRF RANKING ) ವಿಶ್ವವಿದ್ಯಾಲಯಗಳ ಪಟ್ಟಿಯಲ್ಲಿ ಮೈಸೂರು ವಿವಿಗೆ 54 ನೇ ಸ್ಥಾನ ದೊರೆತಿದೆ. ಈ ಮೂಲಕ ರಾಜ್ಯದ ವಿವಿಗಳ ಪೈಕಿ ಮೈಸೂರು ವಿವಿ ಮೊದಲ ಸ್ಥಾನ ಗಳಿಸಿದೆ.

ನಿನ್ನೆ ರಾಷ್ಟ್ರಪತಿಗಳಿಂದ ದೇಶದ ವಿವಿಧ ವಿವಿಗಳ ರ್ಯಾಂಕಿಂಗ್ ಪಟ್ಟಿ ಬಿಡುಗಡೆ ಮಾಡಲಾಯಿತು. ನವದೆಹಲಿಯ ವಿಜ್ಞಾನ ಭವನದಲ್ಲಿ ರಾಷ್ಟ್ರಪತಿ ರಾಮನಾಥ್ ಕೊವಿಂದ್​ ಪಟ್ಟಿ ಬಿಡುಗಡೆ ಮಾಡಿದರು. ನ್ಯಾಷನಲ್ ಇನ್ಸ್​ಟಿಟ್ಯೂಟ್ ರ್ಯಾಂಕಿಂಗ್ ಫ್ರೇಮ್ ವರ್ಕ್ ಅಡಿ ಕೇಂದ್ರ ಸರ್ಕಾರದ ಮಾನವ ಅಭಿವೃದ್ಧಿ ಸಚಿವಾಲಯದ ಆಶ್ರಯದಲ್ಲಿ ದೇಶದ ಎಲ್ಲಾ ವಿವಿಗಳ ಸ್ಥಾನ ಮಾನ ಗುರುತಿಸುವ ಪ್ರಯತ್ನ ನಡೆಸಲಾಯಿತು.

2019 ರ ವಿವಿಗಳ ಱಂಕಿಂಗ್ ಸ್ಪರ್ಧೆಯಲ್ಲಿ ದೇಶದ 4867 ವಿವಿಗಳು ಭಾಗವಹಿಸಿದ್ದವು. ಱಂಕಿಂಗ್​ನ 9 ವರ್ಗಗಳಲ್ಲಿ ಮೈಸೂರು ವಿವಿಗೆ 54 ನೇ ರ್ಯಾಂಕ್ ಸಿಕ್ಕಿದೆ. ಕರ್ನಾಟಕದ ಸಾರ್ವಜನಿಕ ವಿವಿಗಳ ಪೈಕಿ ಮೊದಲ ಸ್ಥಾನ ಪಡೆದಿದೆ. 2017 ರಿಂದ ಈ ಸರ್ವೆ ಆರಂಭವಾಗಿದ್ದು, ಸರ್ವೆಯಲ್ಲಿ ಮೊದಲನೇ ಬಾರಿ ಮೈಸೂರು ವಿವಿ 36 ನೇ ಸ್ಥಾನ ಪಡೆದಿದ್ದು, ಈ ಬಾರಿ 54 ನೇ ಸ್ಥಾನ ಪಡೆದಿದೆ.